Եվրոպական գրական ստեղծագործությունների շրջանառություն
Ստեղծագործ Եվրոպա ծրագիրն աջակցում է եվրոպական գրական ստեղծագործությունների թարգմանության և առաջխաղացման նախաձեռնություններին: Նպատակն է ընդլայնել եվրոպական գրական ստեղծագործությունների անդրազգային շրջանառությունը և բազմազանությունը՝ խրախուսելով ավելի քիչ կիրառվող լեզուներով գրքերի թարգմանությունն ու տարածումը: Ցանկը ներառում է ԵՄ անդամ երկրներում պաշտոնապես ճանաչված բոլոր լեզուները, բացառությամբ անգլերենի, գերմաներենի, ֆրանսերենի, իսպաներենի (կաստիլերեն) և իտալերենի:
Ստեղծագործ Եվրոպա ծրագրի նպատակներից է օգնել եվրոպական գրական ստեղծագործություններին հասնելու նոր լսարանների ԵՄ-ում և նրա սահմաններից դուրս:
Ենթածրագիրն առաջարկում է ֆինանսավորում հրատարակիչներին՝ աջակցելով գեղարվեստական
ստեղծագործությունների թարգմանությանը, խթանմանը և տարածմանը: Ծրագրային հայտը պետք է կազմված լինի առնվազն 5 թույլատրելի գեղարվեստական ստեղծագործություններից: Ծրագրին դիմորդները հայտադիմումում կարող են նաև ներառել բիզնեսից բիզնես «արտահանում» գործողություններ, որոնք կարող են խթանել թարգմանության իրավունքների վաճառքը Եվրոպայում և նրա սահմաններից դուրս:
Ֆինանսավորման նախապայմանները
Դիմելու իրավունք ունեն հրատարակչական և գրքի ոլորտում գործող կազմակերպությունները: Անհատները չեն կարող դիմել։
«Ստեղծագործ Եվրոպա» ծրագրի «Մշակույթ» ենթածրագրի շրջանակներում Եվրոպական գրական
ստեղծագործությունների շրջանառության նախագծերի մասին կարող եք ծանոթանալ այստեղ:
Հայտադիմումի և ընդհանուր գործընթացի վերաբերյալ ավելի մանրամասն տեղեկատվություն հասանելի կլինի յուրաքանչյուր կանչի ժամանակ Եվրոպական կրթության և մշակույթի գործադիր գործակալության կայքում, ինչպես նաև հայտադիմումների բաժնում, և Ստեղծագործ Եվրոպա Հայաստանյան գրասենյակի էջում:
