top of page
Հավասարություն և ներառականություն
Սույն բաժնի նպատակն է Ստեղծագործ Եվրոպա ծրագրի շահառուների հետ կիսվել ներառականության, բազմազանության և գենդերային հավասարության թեմայով համապատասխան տեղեկատվությամբ, որը կարևոր է ինչպես Մշակույթ, այնպես էլ Մեդիա բաղադրիչների բոլոր ծրագրերում և նախաձեռնություններում:
Ներառականությունը, բազմազանությունը և գենդերային հավասարությունը Ստեղծագործ Եվրոպա ծրագրի հիմնական և կարևորագույն առաջնահերթություններից են՝ կայունության, կանաչ փոխակերպման, թվայնացման և միջազգային համագործակցության հետ միասին։ Սա նշանակում է, որ «Ստեղծագործ Եվրոպա» ծրագրի աջակցությամբ իրականացվող բոլոր նախագծերը, առանց բացառության, պետք է անդրադառնան ներառականության, բազմազանության և գենդերային հավասարության թեմաներին և փորձեն նախագծերի միջոցով որոշակի ներդրում ունենալ այդ ուղղությամբ։
Ի՞նչ ուղղություններով կամ ի՞նչ տարբերակով է հնարավոր ներկայացնել ներառականությունը, բազմազանությունը և գենդերային հավասարությունը Ստեղծագործ Եվրոպա նախագծերում:
Տարբերակ 1. Ակնհայտ տարբերակներից մեկն այն է, որ գենդերային հավասարությունը, բազմազանությունը և ներառականությունը ներկայացվի որպես նախահիմնական թեման կամ ենթաթեման։ Սա կարող է արտահայտվել, օրինակ՝ նախագծի միջոցով արվեստի ոլորտում կանանց կամ փոքրամասնությունների մասնագիտական աճն ու ցանցային համագործակցությունը խթանելով, կամ այլ ձևով նպաստելով մարգինալացված խմբերի ներկայացվածության բարձրացմանը կոնկրետ արվեստի ճյուղում։ Այն կարող է նաև վերաբերել այնպիսի խոցելի խմբերի՝ ինչպիսիք են միգրանտ կանայք, մշակութային կյանքի հասանելիության ընդլայնմանը կամ այլընտրանքային թեմայի շուրջ ձևավորված գործունեությանը։
bottom of page