«The Owl». Սցենարական զարգացման աշխատարան Աթենքում՝ պրոֆեսիոնալ սցենարիստների համար

Աթենքի կինոգրասենյակը (Athens Film Office), համագործակցելով միջազգային հեղինակավոր «The Black List» հարթակի հետ, հայտարարում է «The Owl» սցենարական զարգացման աշխատարանի 5-րդ թողարկման հայտերի ընդունումը:

Ծրագրի մասին

«The Owl»-ը դարձել է Աթենքի կինոգրասենյակի առանցքային նախաձեռնություններից մեկը, որի նպատակն է աջակցել միջազգային պոտենցիալ ունեցող ֆիլմերի և հեռուստասերիալների սցենարական մշակմանը: 4-օրյա ինտենսիվ աշխատարանը տեղի կունենա Աթենքում՝ 2027 թվականի հունվարի 12-15-ը՝ Եվրոպական կինոակադեմիայի մրցանակաբաշխության նախաշեմին:

Ինչու՞ դիմել

Ընտրված մինչև 10 սցենարիստներ հնարավորություն կստանան մասնակցելու զարգացման հատուկ ծրագրի, որը ներառում է.

• Անհատական խորհրդատվություններ սցենարների վերաբերյալ,

• Մեկը-մեկին ձևաչափով մենթորություն,

• Վարպետության դասեր և պանելային քննարկումներ ոլորտի առաջատարների հետ,

• Networking-ի հնարավորություններ միջազգային պրոդյուսերների և դիստրիբյուտորների հետ:

  
  

Մասնակցության պայմաններ

• Դիմորդը պետք է լինի պրոֆեսիոնալ սցենարիստ և ունենա առնվազն մեկ մասնագիտական էկրանային աշխատանք (կինոյում կամ հեռուստատեսությունում):

• Նախագծերը կարող են լինել լիամետրաժ գեղարվեստական ֆիլմեր կամ հեռուստասերիալներ:

• Ներկայացվող սցենարները պետք է լինեն անգլերեն լեզվով:

• Նախագծերը պարտադիր չէ, որ գործողությունները ծավալվեն Հունաստանում, սակայն պետք է ունենան Հունաստանում նկարահանվելու կամ արտադրվելու պոտենցիալ:

  
  

Ընտրության փուլերը«The Black List» հարթակի կողմից նախնական գնահատումից հետո կկազմվի մինչև 40 նախագծից բաղկացած «longlist», որից հետո միջազգային հանձնաժողովը կկատարի վերջնական ընտրությունը: Գնահատման չափանիշներն են՝ ինքնատիպությունը, շուկայական պոտենցիալը և հեղինակի մասնագիտական փորձը:

Կարևոր ամսաթվեր

• Հայտերի վերջնաժամկետ: 2 հոկտեմբերի, 2026թ.

• Արդյունքների հայտարարում: 1 դեկտեմբերի, 2026թ.

• Աշխատարանի անցկացում: 12-15 հունվարի, 2027թ.

  
  

Ինչպե՞ս դիմել

Հայտերը ներկայացվում են բացառապես «The Black List» հարթակի միջոցով: Մանրամասն տեղեկատվության և դիմումի հղման համար այցելեք https://athensfilmoffice.com/the-owl/ և https://blcklst.com/programs/2027-the-owl-screenwriting-workshop: