Եվրոպական ժառանգության մրցանակներ 2027

⏳ Դիմելու համար մնացել է ընդամենը մեկ շաբաթ․ հայտերի ընդունման վերջին հնարավորությունն է։

Դեռ ժամանակ ունեք ներկայացնելու ձեր հայտը «Եվրոպական ժառանգության մրցանակներ / Europa Nostra Awards 2027»-ի համար, որն իրականացվում է Եվրոպական միության «Ստեղծագործ Եվրոպա» (Creative Europe) ծրագրի աջակցությամբ:

Աշխատո՞ւմ եք մշակութային ժառանգության նախագծի վրա, որն արժանի է առանձնանալու: Ուրեմն սա կարող է լինել փայլելու ձեր պահը: Պատմական վայրերի վերականգնումից մինչև ավանդույթների պահպանում՝ ձեր աշխատանքը կարող է համաեվրոպական ճանաչում ստանալ: Մրցույթը բաց է անհատների, թիմերի և կազմակերպությունների համար․ այն մեծարում է ակնառու նախագծեր հինգ անվանակարգերում՝ պահպանությունից և հետազոտությունից մինչև կրթություն և համայնքային ներգրավվածություն:

Ամեն տարի մրցանակաբաշխությունը մեծարում է մշակութային ժառանգության ոլորտի մինչև 30 ակնառու ձեռքբերում, այդ թվում՝ մինչև 5 Գրան պրի: Գրան պրիի յուրաքանչյուր հաղթող ստանում է 10,000 եվրո դրամական մրցանակ: Բացի այդ, Europa Nostra-ի կողմից անցկացվող առցանց քվեարկության арդյունքում ընտրված հաղթողներից մեկին շնորհվում է «Հանրության համակրանք» (Public Choice Award) մրցանակը:

Մրցանակները շնորհվում են հետևյալ 5 անվանակարգերում․

• Պահպանություն և ադապտիվ վերօգտագործում (Conservation & Adaptive Reuse)

• Հետազոտություն (Research)

• Կրթություն, վերապատրաստում և հմտություններ (Education, Training & Skills)

• Քաղաքացիների ներգրավվածություն և իրազեկվածության բարձրացում (Citizens’ Engagement & Awareness-raising)

• Ժառանգության չեմպիոններ (Heritage Champions)

Ինչո՞ւ դիմել․

«Եվրոպական ժառանգության մրցանակին» արժանանալը ձեզ կտա․

• Ճանաչելիություն․ Ճանաչում Եվրոպայում և նրա սահմաններից դուրս, լրատվամիջոցների ավելի մեծ ուշադրություն, նոր լսարան ու գործընկերներ, ինչպես նաև ֆինանսավորման հնարավոր հեռանկարներ․

• Դրամական մրցանակներ․ Գրան պրի (10,000 եվրո) և/կամ «Հանրության համակրանք» (10,000 եվրո) մրցանակ ստանալու հնարավորություն․

• Կապերի հաստատում (Networking)․ Միացում ժառանգության ոլորտի մասնագետների, փորձագետների ու էնտուզիաստների համաեվրոպական ցանցին և ձեր պատմությամբ ողջ Եվրոպայում կիսվելու հնարավորություն։

Բաց մի՛ թողեք ձեր աշխատանքը եվրոպական մակարդակում ճանաչելի դարձնելու և ժառանգության ոլորտի ականավոր մասնագետների ու կազմակերպությունների ցանցին միանալու հնարավորությունը:

🔗 Մանրամասները և դիմելու կարգը՝ europeanheritageawards.eu/apply/