«Եվրոպական ժառանգության հաբի» Փոքր դրամաշնորհների ծրագրի 2-րդ փուլ

Եվրոպական միության կողմից ֆինանսավորվող «Եվրոպական ժառանգության հաբը» (European Heritage Hub), ALIPH հիմնադրամի աջակցությամբ, հայտարարում է Փոքր դրամաշնորհների ծրագրի (Small Grants Scheme) 2-րդ փուլի մեկնարկի մասին:

Ծրագրի առանցքային առաքելությունն է հզորացնել ԵՄ թեկնածու և հարևան երկրների մշակութային ժառանգության ոլորտի դերակատարներին՝ նրանց դարձնելով եվրոպական ժառանգության պահպանման շարժման ակտիվ մասնակիցներ:

Ո՞վ կարող է դիմել Ծրագրին կարող են դիմել ԵՄ հարևանության և թեկնածու հետևյալ 11 երկրների քաղաքացիական հասարակության կազմակերպությունները (ՔՀԿ)․

• Հայաստան, Ալբանիա, Ադրբեջան, Բոսնիա և Հերցեգովինա, Վրաստան, Կոսովո, Մոլդովա, Չեռնոգորիա, Հյուսիսային Մակեդոնիա, Սերբիա և Ուկրաինա:

  
  

Մրցույթի 4 հիմնական նպատակները․

• Քաղաքացիական հասարակության կարողությունների զարգացում․ Ժառանգության ոլորտում գործող հասարակական նախաձեռնությունների հզորացում:

• Աջակցություն եռակի ձևափոխմանը (Triple Transformation)․ Մշակութային ժառանգության դերի բարձրացում կանաչ (էկոլոգիական), թվային և սոցիալական փոխակերպումներում:

• Ժողովրդավարություն և արժեքներ․ Ժողովրդավարության, օրենքի գերակայության, հիմնարար իրավունքների և ընդհանուր արժեքների ամրապնդում:

• Խաղաղություն և կայունություն․ Միջմշակութային ու միջկրոնական երկխոսության և հաշտեցման միջոցով խաղաղության հաստատում:

  
  

Տարածաշրջանային 3 ուղղությունները (Regional Strands)․

1. Կովկաս․ Կենտրոնանում է զգայուն/խոցելի և բազմազան համատեքստերում մշակութային ժառանգության պահպանության վրա:

2. Արևմտյան Բալկաններ․ Առաջնահերթությունը տրվում է հաշտեցմանը, տարածաշրջանային համագործակցությանն ու սոցիալական համախմբվածությանը:

3. Ուկրաինա և Մոլդովա․ Ուղղված է կարողությունների զարգացմանը և արտակարգ իրավիճակներին արձագանքման, վերականգնման ու դիմակայունության պիլոտային ծրագրերին:

Ֆինանսավորման չափը․ Ծրագիրն աջակցում է քաղաքացիական հասարակության կողմից ղեկավարվող նախագծերին երկու չափի դրամաշնորհներով․

• Փոքր դրամաշնորհներ․ Մինչև 10,000 եվրո

• Միջին դրամաշնորհներ․ 10,000-ից 25,000 եվրո

Ինչպե՞ս դիմել (2-փուլանոց գործընթաց)․ Հայտերն ընդունվում են բացառապես Good Grants առցանց հարթակի միջոցով՝ անգլերեն լեզվով:

• Փուլ 1․ Իրավասության գնահատում (Eligibility Assessment)

  • 📅 Վերջնաժամկետ․ 2026 թ․ սեպտեմբերի 7

  • Այս փուլում ստուգվում է դիմորդի իրավական կարգավիճակը, ֆինանսական կարողությունը և նախագծի համապատասխանությունը ծրագրի պահանջներին: Միայն այս փուլը հաջողությամբ անցած դիմորդները կհրավիրվեն մասնակցելու 2-րդ փուլին:

• Փուլ 2․ Ամբողջական հայտադիմում (Full Application)

  • 📅 Վերջնաժամկետ․ 2026 թ․ սեպտեմբերի 20

  • 1-ին փուլը հաղթահարած մասնակիցներին կուղարկվի առցանց հայտադիմումի և բյուջեի լրացման հատուկ հղումը:

  
  

Կարևոր պայմաններ և կանոններ․

• Հայտը պետք է ներկայացվի բացառապես անգլերենով:

• European Heritage Hub կոնսորցիումի անդամ կամ դրա կառավարման մարմիններում (օրինակ՝ Խորհրդում) ընդգրկված կազմակերպությունները չեն կարող դիմել:

• Հայտի կրկնակի ներկայացում հնարավոր է միայն կազմակերպիչների հատուկ պահանջով՝ լրացուցիչ տեղեկատվություն տրամադրելու նպատակով:

• Հայտ ներկայացնելով՝ դիմորդը համաձայնում է տվյալների մշակմանը Europa Nostra-ի գաղտնիության քաղաքականությանը համապատասխան:

🔗 Ամբողջական ուղեցույցին ծանոթանալու և դիմելու համար այցելեք պաշտոնական կայք․ europeanheritagehub.eu/call-for-applications/