EFFEA Call #5. Սկսնակ արվեստագետների եվրոպական փառատոնային հիմնադրամը հայտարարում է 5-րդ բաց մրցույթը

«Սկսնակ արվեստագետների եվրոպական փառատոնային հիմնադրամը» (EFFEA) մեկնարկում է իր 5-րդ բաց մրցույթը: 2026 թվականի սեպտեմբերի 1-ից մինչև նոյեմբերի 3-ը փառատոնները կարող են դիմել ֆինանսավորման համար՝ աջակցելու սկսնակ արվեստագետներին (emerging artists) 2027 թվականին կայանալիք միջսահմանային ռեզիդենցիաների միջոցով:

«EFFEA»-ն կաջակցի շուրջ 50 ռեզիդենցիաների՝ միավորելով առնվազն 150 փառատոնների: Ծրագրի նպատակն է սկսնակ արվեստագետներին տրամադրել ժամանակ, տարածք և մասնագիտական աջակցություն՝ իրենց աշխատանքները զարգացնելու, նոր լսարաններ գրավելու և միջազգային կապեր հաստատելու համար:

Ռեզիդենցիաների ձևաչափերը և ֆինանսավորումը․

• 1․ EFFEA Discovery (40 դրամաշնորհ՝ 8,000-ական եվրո)․ Նախատեսված է կարիերայի սկզբնական փուլում գտնվող արվեստագետների համար, ովքեր ունեն միջազգային ասպարեզ դուրս գալու մեծ պոտենցիալ:

  • 1 ընթացիկ աշխատանքի (work-in-progress) կամ արտադրանքի ներկայացում առաջատար փառատոնում:

  • 1 աշխատաժողով (workshop) առաջատար փառատոնի կողմից՝ գործընկեր փառատոնների ծրագրավորողների մասնակցությամբ:

  • 1 ֆիլմ ռեզիդենցիայի մասին և մասնակցություն EFFEA սեմինարներին:

• 2․ EFFEA Springboard (10 դրամաշնորհ՝ 15,000-ական եվրո)․ Նախատեսված է իրենց երկրներում արդեն կայացած արվեստագետների համար, ովքեր պատրաստ են զարգացնել իրենց կարիերան միջազգային մակարդակում:

  • Առնվազն 3 ներկայացում/ցուցադրություն առաջատար և գործընկեր փառատոններում:

  • Առնվազն 3 առկա վարպետության դաս (masterclass) 3 տարբեր երկրներում:

  • 1 ֆիլմ ռեզիդենցիայի մասին և մասնակցություն EFFEA սեմինարներին:

Ո՞վ կարող է դիմել (Իրավասության չափանիշներ)․

• Գործընկերություն․ Հայտը պետք է ներկայացնի առնվազն 3 փառատոն 3 իրավասու երկրներից (1 առաջատար/leading փառատոն + առնվազն 2 գործընկեր/partner փառատոն):

• Փառատոնների պահանջներ․ Փառատոնները պետք է անցկացրած լինեն առնվազն 1 թողարկում և գրանցված լինեն FestivalFinder.eu հարթակում:

• Արվեստագետներ․ Անհատներ, կոլեկտիվներ, թատերախմբեր կամ խմբեր (առանց տարիքային սահմանափակման), ովքեր հանդիսանում են իրավասու երկրներից մեկի քաղաքացի կամ ռեզիդենտ:

• Իրավասու երկրներ (Առաջատար փառատոնների և արվեստագետների համար)․ Հայաստան, Ալբանիա, Ավստրիա, Բելգիա, Բոսնիա և Հերցեգովինա, Բուլղարիա, Խորվաթիա, Կիպրոս, Չեխիա, Դանիա, Էստոնիա, Ֆինլանդիա, Ֆրանսիա, Գերմանիա, Վրաստան, Հունաստան, Հունգարիա, Իսլանդիա, Իրլանդիա, Իտալիա, Կոսովո, Լատվիա, Լիխտենշտեյն, Լիտվա, Լյուքսեմբուրգ, Մալթա, Չեռնոգորիա, Մոլդովա, Նիդերլանդներ, Հյուսիսային Մակեդոնիա, Նորվեգիա, Լեհաստան, Պորտուգալիա, Ռումինիա, Սերբիա, Սլովակիա, Սլովենիա, Իսպանիա, Շվեդիա, Թունիս և Ուկրաինա: (Մեծ Բրիտանիան, Շվեյցարիան, Թուրքիան, Իսրայելը և Պաղեստինը կարող են մասնակցել միայն որպես գործընկեր/partner փառատոն):

• Ոլորտներ․ Ճարտարապետություն, բալետ, ժամանակակից պար, կրկես, դիզայն/կիրառական արվեստ, թվային արվեստ, կինո, ֆոլկլոր, ժառանգություն, միջճյուղային արվեստ, գրականություն, երաժշտություն, օպերա, փողոցային արվեստ, թատրոն, լուսանկարչություն/վիդեո, տիկնիկային արվեստ, քանդակագործություն և գեղանկարչություն:

Առցանց տեղեկատվական և ցանցային հանդիպումներ (EFFEA Sessions)․

• 15.09.2026 - Տեղեկատվական հանդիպում #1 (Info session)

• 29.09.2026 - Ցանցային հանդիպում #2 (Networking session)

• 13.10.2026 - Ցանցային հանդիպում #3 (Networking session)

• 20.10.2026 - Հարց ու պատասխանի հանդիպում #4 (Q&A session)

  (Բոլոր հանդիպումներն անցկացվում են երեքշաբթի օրերին, ժամը 11:00-12:00 CEST)

⏰ Հայտերի ներկայացման վերջնաժամկետ․ 2026 թ․ նոյեմբերի 3 (հայտը ներկայացվում է առաջատար փառատոնի կողմից):

🔗 Մանրամասն պայմաններին ծանոթանալու և դիմելու համար այցելեք պաշտոնական կայք․

effea.eu/news/item/2026/09/01/effea-call-5-is-open