ASA համայնքը և Ստեղծագործ Եվրոպա գրասենյակը Վանաձորում

ASA Արվեստի ջատագովման համայնքը հրավիրում է Լոռու մարզի մշակութային կազմակերպություններին և ոլորտի մասնագետներին մասնակցելու տեղեկատվական հանդիպման՝ նվիրված ASA անդամակցությանը, գործունեությանը և ստեղծարար ոլորտի զարգացման հնարավորություններին։

ASA Արվեստի ջատագովման համայնքը հայկական ստեղծարար և մշակութային ոլորտում գործող համագործակցային հարթակ է, որը համախմբում է արվեստագետներին, մշակութային կազմակերպություններին և մասնագետներին՝ փոխադարձ աջակցության, ֆինանսավորման հնարավորությունների և մասնագիտական կապերի ընդլայնման շուրջ։

Հանդիպման ընթացքում՝ Կներկայացվեն ASA-ի ծառայություններն ու անդամակցության հնարավորությունները Կքննարկվեն մարզային արվեստագետների և մշակութային կառույցների կարիքներն ու առաջարկները Կներկայացվեն միջազգային համագործակցության և ֆինանսավորման հնարավորություններ ԱՍԱ փորձագետ և «Ստեղծագործ Եվրոպա» Հայաստանի գրասենյակի համակարգող Անի Հովսեփյանը կներկայացնի ծրագրի Մշակույթ բաղադրիչը և գործող ֆինանսավորման հնարավորությունները անհատ արվեստագետների, մշակությային գորիծչների և հայաստանյան կազմակերպությունների համար։

Հանդիպումը նախատեսված է մարզային արվեստագետների, մշակութային գործիչների, արվեստի մանկավարժների և մշակութային կառույցների ղեկավարների համար։

 Սա հնարավորություն է ընդլայնելու մասնագիտական ցանցերը, ծանոթանալու միջազգային և տեղական ֆինանսավորման գործիքներին, ինչպես նաև ներկայացնելու ձեր նախաձեռնություններն ու ոլորտային կարիքները։

Հանդիպման վայրը՝ Գեղագիտության ազգային կենտրոնի Վանաձորի ստորաբաժանում, Մյասնիկյան 19ա