«Եվրոպական գրական ստեղծագործությունների շրջանառություն» (CREA-CULT-2027-LIT)
📚 Դրամաշնորհային բաց մրցույթ գրահրատարակչական ոլորտի համար. «Եվրոպական գրական ստեղծագործությունների շրջանառություն» (CREA-CULT-2027-LIT)
«Ստեղծագործ Եվրոպա» (Creative Europe) ծրագրի շրջանակում մեկնարկել է եվրոպական գրական ստեղծագործությունների թարգմանության, հրատարակման, տարածման և առաջխաղացման նոր մրցույթը։
Նախատեսվում է ֆինանսավորել շուրջ 40 նախագիծ, որոնք կարող են իրականացվել ինչպես առանձին կազմակերպությունների (mono-beneficiary), այնպես էլ կոնսորցիումների (multi-beneficiary) կողմից։
Ոլորտային առաջնահերթությունները
Քիչ թարգմանվող լեզուներ. Եվրոպական գրականության բազմազանության խթանում և քիչ տարածված լեզուներով գրված գործերի շրջանառություն։
Ընթերցանության խթանում. Հասանելիության մեծացում լայն լսարանի, հատկապես երիտասարդների շրջանում։
Թարգմանչի աշխատանքի արժևորում. Թարգմանիչների արդար վարձատրություն և պատշաճ տեսանելիություն (խրախուսվում է նրանց անունը նշել գրքի շապիկին, իսկ նախագծի բյուջեի 20-30%-ը նախատեսել նրանց հոնորարների համար)։
Բացառապես մարդկային թարգմանություն. Մեքենայական թարգմանությունն (Machine Translation) այս մրցույթում արգելված է։
Ոլորտային համագործակցություն. Գրողների, հրատարակիչների, թարգմանիչների, գրախանութների, գրադարանների և փառատոների միջև կապերի ամրապնդում։
Աջակցություն Ուկրաինային. Ուկրաիներենից և ուկրաիներեն թարգմանությունների, ինչպես նաև փախստականների համար ուկրաիներեն գրքերի տպագրության աջակցություն։
🔸 Ֆինանսավորվող ժանրերը
Վեպեր, պատմվածքներ, պոեզիա, թատերական և ռադիոպիեսներ, մանկապատանեկան գրականություն, կոմիքսներ և գեղարվեստական վավերագրություն (literary reportage)։
Կարևոր ժամկետներ
💻 Օնլայն տեղեկատվական հանդիպում (Info Session). Նոյեմբերի 17, ժամը՝ 14:00 – 16:00 (CET / Բրյուսելի ժամանակով)։ Կազմակերպիչ՝ Եվրոպական կրթության և մշակույթի գործադիր գործակալություն (EACEA)։ Մանրամասները և գրացումը՝ https://bit.ly/4jVkUjy:
⏳ Հայտերի ներկայացման վերջնաժամկետ. 2027 թվականի հունվարի 27, ժամը՝ 17:00 (CET)։
🔗 Ծրագրի փաստաթղթերին և դիմումի ձևերին ծանոթացեք ԵՄ «Funding & Tenders Opportunities» հարթակում։
Comments