«Culture Moves Europe»․ «Mix and Match» առցանց նեթվորքինգային հանդիպումներ
🌐 «Culture Moves Europe»․ «Mix and Match» առցանց նեթվորքինգային հանդիպումների նոր շարքը մեկնարկում է
«Ստեղծագործ Եվրոպա» Հայաստանի գրասենյակը տեղեկացնում է, որ «Culture Moves Europe» ծրագրի շրջանակում (ներառյալ Անհատական շարժունության՝ Individual Mobility և մյուս ուղղությունները) վերադառնում է «Mix and Match» առցանց նեթվորքինգային հանդիպումների շարքը։
Այս հանդիպումները միավորում են «Ստեղծագործ Եվրոպա» ծրագրի մասնակից 41 երկրների արվեստագետներին և մշակույթի ոլորտի մասնագետներին՝ ծանոթանալու, գաղափարներ փոխանակելու և նոր միջազգային համագործակցություններ սկսելու նպատակով։ Անկախ նրանից՝ նոր եք սկսում ձեր մասնագիտական ուղին, թե ունեք տարիների փորձ, այս հանդիպումները բաց են բոլորի համար։
🗓 7 հանդիպում, 7 ոլորտ․ ժամանակացույց
Բոլոր հանդիպումները տեղի են ունենալու չորեքշաբթի օրերին՝ ժամը 18:00 - 19:00 (Երևանի ժամանակով) / 15:00 - 16:00 (CET)․
Նոյեմբերի 25 – Դիզայն և նորաձևության դիզայն (նորաձևություն, գրաֆիկական, ինտերիերի, էքստերիերի, արդյունաբերական դիզայն և հարակից ոլորտներ)
Դեկտեմբերի 2 – Ճարտարապետություն
Դեկտեմբերի 9 – Մշակութային ժառանգություն
Դեկտեմբերի 16 – Գրականություն
Հունվարի 13 – Երաժշտություն
Հունվարի 20 – Կատարողական արվեստներ
Հունվարի 27 – Վիզուալ արվեստներ
🔥 Առաջին հանդիպման գրանցումն արդեն բաց է
Եթե աշխատում եք դիզայնի կամ նորաձևության ոլորտում, միացե՛ք նոյեմբերի 25-ի առցանց հանդիպմանը՝ նոր գործընկերներ գտնելու և համատեղ նախագծեր սկսելու համար։
🔗 Գրանցման հղումը՝ https://goetheinstitut.typeform.com/to/sG5odckx
📌 Օգտակար է իմանալ․
Յուրաքանչյուր հանդիպումից հետո մասնակիցներին կտրամադրվի ներկաների մասնագիտական տվյալների ցանկը՝ շփումն ու համագործակցությունը շարունակելու համար։
Հաջորդ հանդիպումների գրանցումները կբացվեն տվյալ հանդիպումից մեկ շաբաթ առաջ։
Դուք կարող եք մասնակցել մեկից ավելի ոլորտային հանդիպումների։
Տեղերը սահմանափակ են, և գրանցումն իրականացվում է ըստ դիմելու հերթականության (first-come, first-served)։







Comments