i-Portunus Houses. հյուրընկալող անհատներ և կազմակերպություններ

Հայտադիմումների ընդունման սկիզբ՝

21 մայիսի, 2021թ.

Հայտադիմումների ընդունման վերջնաժամկետ՝ 30 հունիսի, 2021թ.

Առցանց հայտադիմումը լրացրեք այս հղումով՝

https://www.i-portunus.eu/

i-Portunus-ը ֆինանսական աջակցություն է ցուցաբերում արվեստագետներին և մշակութային գործիչներին՝ հոգալու «Ստեղծագործ Եվրոպա» ծրագրի մասնակից երկրներում միջազգային նախագծեր իրականացնելու համար անհրաժեշտ ճամփորդության և կեցության ծախսերը կամ վիրտուալ մասնակցության ծախսերը:

i-Portunus Houses-ը բաց է հյուրընկալողների համար (կազմակերպություն կամ կայացած անհատ արվեստագետներ / մշակույթի մասնագետներ)՝ համագործակցելու 2-5 արվեստագետների և (կամ) մշակույթի մասնագետների հետ և հյուրընկալելու նրանց սեփական հարկի տակ։ Ծրագիրը բաց է մշակույթի բոլոր ոլորտների (բացառությամբ աուդիո-վիզուալ ոլորտների) նախագծերի և աշխատանքային այլ ձևաչափերի համար:

Այս նոր փորձնական ծրագրի շրջանակներում կլինի երկու մրցութային կանչ՝

1-ին փուլ. 21 մայիսի - 30 հունիսի

2-րդ փուլ. 23 օգոստոս - 3 հոկտեմբերի

i-Portunus Houses փորձնական ծրագիրը կօգնի ստեղծագործական նախագծերի ստեղծման, ուսումնասիրությունների իրականացման նպատակով նախաձեռնվող ճամփորդությունների և այցերի կայացմանը։ Դիմորդները կարող են առաջարկել ինչպես ֆիզիկական, այնպես էլ ֆիզիկական և վիրտուալ ճամփորդությունների խառնուրդ (հիբրիդային նախագիծ): Այս ծրագրի շրջանակներում նախատեսվում է 500,000 եվրո բյուջե, որից առավելագույնը 30%-ը կծախսվի հիբրիդային նախագծերի վրա (ֆիզիկական և վիրտուալ այցեր): Ֆինանսական աջակցությունը հաշվարկվում է ֆիզիկական ճամփորդության կամ վիրտուալ մասնակցության ընթացքում անցկացրած օրերի քանակի հիման վրա:

Ինչպե՞ս գտնել մասնակից արվեստագետների

Թիմի անդամներ կամ հյուրընկալողի գտնելու համար կարող եք գրանցվել Market Square միջոցառումների մասնակցության համար:

i-Portunus Market Square-ի շրջանակներում տեղի են ունենում ամենշաբաթյա առցանց տեղեկատվական հանդիպումներ և համապատասխան դասընթացներ՝ հյուրընկալող կողմի, մասնակից արվեստագետների և մշակույթի մասնագետների համար՝ նոր թիմեր հայտնաբերելու, համատեղ նախագծեր ձևավորելու և պատրաստելու համար:

Հանդիպումները տեղի են ունենում չորեքշաբթի օրերին՝

02.06 | 09.06 | 16.06 | 23.06

14:00 - 17:00 CEST (երևանյան ժամով՝ 16:00 - 19:00)

Եթե ​​հետաքրքրված եք մասնակցել i-Portunus Market Square-ի միջոցառումներին, գրանցվեք այստեղ (գրանցումը բաց է մինչև հունիսի 22-ը):

Միջոցառումներն անցկացվելու են անգլերենով՝ առանց թարգմանության: Մասնակցությունը անվճար է:

Դիտե՛ք i-Portunus Houses ծրագրի ներկայացման տեսագրությունը․

https://youtu.be/izr55RHeVUo

Նպատակը

Ծրագրի նպատակը արվեստագետների / մշակութային մասնագետների համար արդյունավետ և անվտանգ աշխատանքային միջավայրի ապահովումն է: i-Portunus Houses-ը ֆինանսական աջակցություն է տրամադրում հյուրընկալողին՝ այցելող արվեստագետների հետ աշխատանքի ծախսերը մասնակիորեն հոգալու նպատակով: Հյուրընկալողները կարող են դիմել մեկ համագործակցության ծրագրի համար՝ մինչև 5 արվեստագետի/ մշակույթի մասնագետի մասնակցությամբ կամ 5 համագործակցության ծրագրի համար, երբ առնվազն 1 արվեստագետ / մշակույթի մասնագետ է ներգրավված յուրաքանչյուր համագործակցության ծրագրի շրջանակներում: Ընդհանուր առմամբ, հյուրընկալողը պետք է ընդունի առնվազն 2 այցելու արվեստագետ / մշակույթի մասնագետ:

Ձեր համագործակցության ծրագրի հիմնական նպատակը պետք է լինի հետևյալներից մեկը.

Ստեղծել. (Համատեղ) գեղարվեստական ստեղծագործության ստեղծում, արտադրություն, կատարում

Միավորել. Ցանցավորում, միջազգայնացում

Սովորել. Զարգացնել կարողությունները, մասնագիտական զարգացում

Հետազոտել. Հետազոտություն, ապագա համագործակցությունների / նախագծերի նախապատրաստում

Ի՞նչ սկզբունքով է բաշխվում ֆինանսական աջակցությունը

Ֆինանսավորման պայմանները հետևյալն են.

Որպես հիմնական հայտատու, հյուրընկալողը ստանում է ամբողջական դրամաշնորհ բոլոր համագործակցության նախագծերի և ներկայացված թիմի անդամների համար:

Ընդհանուր գումարից միայն 10%-ը կարող է արդյունքում օգտագործվել հենց հյուրընկալողի կողմից:

Ստացված դրամաշնորհի մնացած մասը պետք է բաժանվի՝ ըստ դիմումի մեջ պահանջվող ճամփորդության տեսակի և կարիքների․

Ֆիզիկական ճամփորդություն

Ֆիզիկական ճամփորդության համար թիմի անդամները ստանում են նվազագույնը 1500 եվրո՝ նվազագույնը 7 օրվա ճամփորդություն իրականացնելու համար: Ճամփորդության յուրաքանչյուր լրացուցիչ օրվա համար ևս 30 եվրո կտրամադրվի ենթաշահառուին։

Ֆիզիկական ճամփորդության համար հյուրընկալողը կարող է պահանջել իր համար առավելագույնը 10%` ի հավելում այցելու արվեստագետների ճամփորդության իրականացման համար անհրաժեշտ ծախսերին:

Թիմի յուրաքանչյուր անդամի կարող է տրամադրվել ընդհանուր առմամբ առավելագույնը 3000 եվրո:

Այսինքն, ֆիզիկական ճամփորդության պարագայում, եթե մել այցելուն 7 օրվա համար ստանում է 1500 եվրո, իսկ հավելյալ յուրաքանչյուր օրվա համար՝ 30-ական եվրո, ապա հյուրընկալը համապատասխանաբար ստանում է 150 եվրո և 3-ական եվրո։

Վիրտուալ մասնակցություն

Վիրտուալ մասնակցության աջակցությունը կարող է տրամադրվել միայն նաև ֆիզիկական ճամփորդություն նախատեսող համատեղ համագործակցության ծրագրի պարագայում։

Վիրտուալ մասնակցության դրամաշնորհը կտրամադրվի միայն խմբի ոչ ճանապարհորդող թիմի անդամին և միայն մեկ անգամ:

Յուրաքանչյուր հյուրընկալող կարող է պահանջել ընդհանուր առմամբ առավելագույնը 1 հյուրընկալման վճար:

Վիրտուալ մասնակցության համար ենթաշահառու դառալու համար կան տարբեր պայմաններ՝ կախված նախագծում ներկայացված համագործակցության ձևաչափերից։

Ֆիզիկական ճամփորդության պարագայում, եթե մել այցելուն 7 օրվա համար ստանում է 1500 եվրո, իսկ հավելյալ յուրաքանչյուր օրվա համար՝ 30-ական եվրո, ապա հյուրընկալը համապատասխանաբար ստանում է 150 եվրո և 3-ական եվրո։

Վիրտուալ ճամփորդության պարագայում նախագծի՝ ֆիզիկապես չճամփորդող մանսակիցներին տրվող աջակցությունը որոշվում է ըստ նախագծի բնույթի․

Ստեղծել - արտադրության ծախսեր, սարքավորումներ, ծրագրակազմ - 1500 եվրո

Միավորել - ծրագրակազմ, դյուրացման վճարներ - 1000 եվրո

Սովորել - ուսուցում, դյուրացման վճարներ, ծրագրակազմ - 1000 եվրո

Հետազոտել - հետազոտություն, գործիքներ - 1000 եվրո

Իսկ հյուրընկալին տրամադրվող աջակցությունը կրկին կազմում է մասնակցին հատկացվող գումարի 10%-ը՝ համապատասխանաբար 100 կամ 150 եվրո։

Հաշվարկի օրինակը կարող եք տեսնել ծրագրի կայքում։

Ինչպե՞ս ներկայացնել հայտադիմում

Դիմորդն անգլերենով խետք է տրամադրի հետևյալ տեղեկությունները․

• Հյուրընկալողի մասին ընդհանուր տեղեկություններ

• Հյուրընկալողի մասնագիտական և հյուրընալման փորձ

• Մասնակից թիմի բոլոր անդամների տվյալները

• Տեղեկատվություն համագործակցության նախագծի (ների) վերաբերյալ (նկարագրություն, ճամփորդության անհրաժեշտություն, նախապատրաստում, ազդեցություն)

• Նախատեսված ճամփորդության մանրամասները (ֆիզիկական կամ հիբրիդ՝ ֆիզիկական / վիրտուալ)

• Հայտերի ներկայացման գործընթացի վերաբերյալ կարծիք (քանի որ սա փորձնական նախագիծ է և մենք ցանկանում ենք դասեր քաղել Ձեր փորձից)

Ինչպես նաև հետևյալ փաստաթղթերը (PDF ձևաչափով)՝

• Բարեգործական կարգավիճակ + ստուգաթերթ (առավելագույնը 10 ՄԲ)

• Պատվո հռչակագիր | ընդունող կազմակերպություն | անհատ հյուրընկալող

(առավելագույնը 10 ՄԲ)

Կարող եք ներբեռնել դիմումի ձևի բոլոր հարցերը.

ընդունող կազմակերպություն | անհատ հյուրընկալող

Ձեր թիմի անդամների տեղեկությունները հավաքագրելու և պատրաստելու և համար օգտագործեք այս ձևը:

Դիմելու համար պետք է ստեղծել հաշիվ և անգլերենով լրացնել հայտադիմումի ձևը my.i-portunus.eu կայքում: Հայտերի ընդունման վերջնաժամկետից հետո, Դուք այլևս չեք կարողանա փոփոխել Ձեր հայտադիմումը: